కాంగ్రెస్ వల్లే అన్నయ్యకు ఎదురు నిలిచా - పవన్

Pawan kalyan www.10tv.in

హైదరాబాద్ : కాంగ్రెస్ పార్టీ తీరు వల్లే ప్రస్తుతం అన్నయ్యకు ఎదురు నిలిచానని, అన్నయ్యపై వ్యక్తిగతంగా తనకెలాంటి కోపం లేదని పవర్ స్టార్ పవన్ కళ్యాణ్ చెప్పారు. శుక్రవారం నాడు నోవాటెల్ లో జనసేన పార్టీని ప్రకటించిన ఆయన మాట్లాడుతూ.. ఇదంతా 'హై కమాండ్' తప్పే నని పేర్కొన్నారు. అన్యాయాలకు అక్రమాలకు ఎదురు నిలబడాలనే ఆలోచన తనకు లేదని.. కానీ, ఆ పరిస్థితిని ఢిల్లీలోని పెద్దలు కల్పించారని పేర్కొన్నారు. సినిమాలు చేసుకుంటూ ప్రజలకు ఆనందం కల్పించాలనుకునే తనను ఇలా రాజకీయాల్లోకి వచ్చేలా చేశారని తెలిపారు.