''తాజ్ మహల్'' ఈ పేరు వినగానే మనసులో ఎక్కడో.. ఏదో తెలియని తుళ్లింత కలుగుతుంది. అలాంటిది.. నేరుగా తాజ్ మహల్ ను దగ్గర్నుంచి చూస్తే.. కలిగే అనుభూతి మాటల్లో చెప్పలేనిది. మనసున కలిగే పరవశం ఊహకు అందనిది. అలాంటి అద్భుత సౌందర్యాన్ని వీక్షించే అదృష్టం ఆగ్రా వెళ్లిన వారికి మాత్రమే దక్కుతుంది. అయితే.. ఆగ్రా వెళ్లలేని వారికి గూగుల్ మంచి అవకాశాన్ని కల్పిస్తోంది. 'గూగుల్ స్ట్రీట్ వ్యూ 'ద్వారా.. తాజ్ మహల్ అందాన్ని 360 డిగ్రీల కోణాల్లో కళ్లకు కట్టినట్టు చూపిస్తోంది. దీని ద్వారా మనం నేరుగా తాజ్ మహల్ ను చూసిన అనుభూతి కలుగుతోంది. ఈ విధంగా ఒక్క తాజ్ మహల్ నే కాకుండా ఈఫిల్ టవర్, అమేజాన్ నది, వెనిస్ నగరం, నాసా అంతరిక్ష పరిశోధన కేంద్రం వంటివి మొత్తం 57 అద్భుత ప్రాంతాలను చూసే అవకాశాన్ని కల్పిస్తోంది. మరి.. ఇంకెందుకు ఆలస్యం.. 'google street view'ను క్లిక్ చేయండి. ఆయా ప్రాంతాలను నేరుగా చూసిన అనుభూతిని పొందండి..
No comments:
Post a Comment