Passengers, cargo at railway stations under 24-hour technical surveillance

Passengers, cargo at railway stations under 24-hour technical surveillance

- While the Chennai blasts have once again brought the focus back on the security scenario at railway stations, authorities in Delhi claim that with dozens of CCTV cameras installed at all major railway stations here, all operations, including movement of trains, passengers and cargo, are now under round-the-clock technical surveillance.

T.N. rejects NIA investigation

National

T.N. rejects NIA investigation

- The Tamil Nadu government on Thursday rejected the Centre’s offer to order a National Investigation Agency (NIA) probe into the twin blasts in the Bangalore-Guwahati Express at the Chennai Central station

-Ministry sources expressed the apprehension that the decision could make other State governments also resist Central intervention in terrorism-related cases.

సీమాంధ్ర కాంగ్రెస్ లో సోనియా సభ టెన్షన్..

హైదరాబాద్: సీమాంధ్ర కాంగ్రెస్ కు గుంటూరు గుబులు పట్టుకుంది. పార్టీ అధ్యక్షురాలు సోనియాగాంధీ పాల్గొనే సభనెలా విజయవంతం చేయాలా? అని అక్కడి నేతలు టెన్షన్ పడుతున్నారు. విభజనకు మూల కారణం సోనియాయే అని సీమాంధ్ర ప్రజలు ఇప్పటికీ నమ్ముతున్న నేపధ్యంలో గుంటూరు సభ నేతలకు తలనొప్పినే తెచ్చిపెడుతోంది. ఒకానొక దశలో సీమాంధ్రలో సోనియా ప్రచారం చేయాల్సిన అవసరమే లేదని నేతలు భావించారు. పోలింగ్ తేదీ దగ్గరపడుతున్న వేళ సోనియాగాంధీ సభను గుంటూరులో ఏర్పాటు చేశారు. కానీ ఆమెని ప్రజలెలా ఆదరిస్తారో అనే ఆందోళనే ఇప్పుడు కాంగ్రెస్ నేతల్ని వేధిస్తోంది.
ప్రచారంలో స్పందన నామమాత్రం..
  ఇప్పటిదాకా సీమాంధ్రలో ఎన్నికల ప్రచారాన్ని రఘువీరా, చిరంజీవి నిర్వహిస్తున్నారు. వారి ప్రచారానికి ప్రజలనుంచి వస్తున్న స్పందన నామమాత్రంగానే ఉంది. కాంగ్రెస్ పార్టీ నేతలపట్ల ప్రజలు తీవ్ర ఆగ్రహంతో ఉన్నారు. ఈ ప్రతికూల పరిస్థితుల్ని తట్టుకోలేక చాలామంది నేతలు కాంగ్రెస్ పార్టీని విడిచిపెట్టి వెళ్లారు. ఈ నేపధ్యంలో తెలంగాణలో ప్రచారం చేసినట్లే సీమాంధ్ర లో సోనియా ప్రచారం చేస్తే బాగుంటుందనుకున్నారు. అయినా, వ్యతిరేక ఫలితాలొస్తాయేమోననే ఆందోళన కూడా నేతల్ని వెంటాడుతోంది.
కార్యకర్తలపై జనసమీకరణ బాధ్యత..
   సోనియా గాంధీ సభ షెడ్యూల్ ప్రకటించి నేతలు చేతులు దులుపుకోవడంతో జనసమీకరణ బాధ్యత కిందిస్థాయి కార్యకర్తలపై పడింది. ఇక్కడే అసలు సమస్య మొదలైంది. విభజనకు సోనియా కారణం అని భావిస్తున్న ప్రజల్ని సభదాకా ఎలా తీసుకురావాలో తెలీక ఇబ్బందులు పడుతున్నారు. అంతేకాదు సభ జరుగుతున్నప్పుడు తీవ్ర స్థాయిలో వ్యతిరేకత వ్యక్తమవుతుందేమోనని ఆందోళన చెందుతున్నారు. ముందు సోనియా సభను విశాఖపట్నంలో జరపాలని నిర్ణయించినా అక్కడి నేతలు చేతులెత్తేయడంతో వేదిక గుంటూరుకు మారింది.

పవన్...ఆరంభం నాటి ఆవేశమేదీ?

Pawan Kalyan

హైదరాబాద్ : ఏవి నిరుడు వీచిన ఆగ్రహ పవనాలు? ఏవి తమ్ముడూ ప్రజాకాంక్షలను నెరవేరుస్తానంటూ ఎత్తిన జన సేన జెండా రెపరెపలు? జనసేన పార్టీ నేత పవన్‌ కల్యాణ్‌ తూటాల్లాంటి మాటలు... బట్టీ పట్టిన డైలాగ్‌లేనా? సీమాంధ్రలో ఎన్నికల అనంతరం జనసేన డిజాల్వ్ అయిపోతుందా? అన్న చిరంజీవి అడుగుజాడలను అనుసరిస్తానన్న పవన్‌... పార్టీ విషయంలోనూ అన్ననే ఆదర్శంగా తీసుకుంటారా?
    రాజకీయాలు పూర్తిగా భ్రష్టుపట్టిపోయాయనీ, ఆ రాజకీయాలను మార్చడానికే తాను జనసేన పార్టీని స్థాపించానంటూ చెప్పిన తమ్ముడు పవన్‌ కళ్యాణ్‌కు హఠాత్తుగా జ్ఞానోదయమైపోయింది. జనసేన వద్దూ, గినసేన వద్దు. సీమాంధ్రలో టీడీపీకి, దేశంలో మోడీకి పగ్గాలు అప్పగిస్తే చాలు.. సబ్‌ ఖుష్‌. అన్నీ సమస్యలనూ వాళ్లిద్దరే తీర్చేస్తారని పవన్ అనుకుంటున్నారా ? అందువల్ల ఇక జనసేనను కొనసాగించాల్సిన అవసరం ఎంత మాత్రం లేదు. ఇదీ ఇండైరెక్ట్ గా పవన్‌ సూచన. చూడబోతే ఎన్నికల ఫలితాల అనంతరం జనసేనను టీడీపీలోనో, బీజేపీలోనే కలిపేసి... బదులుగా ఓ మంత్రి పదవిని పుచ్చేసుకుని తమ్ముడు కూడా అన్నదారినే అనుసరించే అవకాశాలు పుష్కలంగా కనిపిస్తున్నాయి.
 అన్న చిరంజీవికి జ్ఞానోదయం కావడానికి ఒకసారి ఎన్నికలు జరగాల్సి వస్తే... తమ్ముడికి మాత్రం ఎన్నికల ముందే జ్ఞానోదయం అయిపోయినట్లు కనిపిస్తోంది. తిరుపతి సభలో పవన్‌ మాటల తీరును చూస్తే అర్థమౌతుంది.
పవన్ పార్టీ పెటాల్సినవసరం ఏముంది ?
   మరి చంద్రబాబు అంత సమర్థుడిగా కనిపిస్తే.. పవన్‌ పార్టీ పెట్టాల్సిన అవసరం ఏమిటి? జనసేన పార్టీ పెట్టే ముందు పవన్‌ కళ్యాణ్‌ కళ్లకు చంద్రబాబు సమర్థత కనిపించలేదా? ఆ మాత్రం దానికి పార్టీ పెట్టి అభిమానులు, రాష్ట్ర ప్రజల్లో ఆశలు రేకెత్తించాల్సిన అవసరమేముంది? తిరుపతి సభలో పవన్‌ కళ్యాణ్‌ ఎంత సేపూ చంద్రబాబు, మోడీల భజన చేయడం చూసిన పవన్‌ అభిమానులకు మతిపోయినంత పనైంది.
అభిమానుల ఆగ్రహం..
పార్టీ పెట్టడానికి బదులు సమర్థులైన చంద్రబాబు సమక్షంలోనో, మోడీ సమక్షంలోనో టీడీపీదో, బీజేపీదో తీర్థం పుచ్చుకొని ఉంటే సరిపోయేదిగా అని అభిమానులు ఆగ్రహం వ్యక్తం చేస్తున్నారు.

అసోంలో తీవ్రవాదుల కాల్పులు - ఏడుగురు మృతి

అసోం: అసోంలోని కోక్రాఝర్ జిల్లాలో శుక్రవారం తెల్లవారుజామున తీవ్రవాదులు జరిపిన కాల్పుల్లో నలుగురు మహిళలతో సహా ఏడుగురు మృతిచెందారు. మరికొందరు తీవ్రంగా గాపయడ్డారు. నేషనల్ డెమాక్రటిక్ ఫ్రంట్ ఆఫ్ బోడోలాండ్ తీవ్రవాదులు ఈ కాల్పులుకు పాల్పడ్డట్లు తెలుస్తోంది. కాల్పుల ఘటన నేపథ్యంలో పరిస్ధితిని సమీక్షించేందుకు రాష్ట్ర ప్రభుత్వం పది కంపెనీల పారామిలటరీ దళాలను కోక్రాఝర్ కు పంపించింది.

ప్రత్యామ్నాయం కోసం ఎదురుచూపు- సీతారాం ఏచూరి

విశాఖపట్నం: కాంగ్రెస్, బిజెపి రాజకీయ, ఆర్ధిక విధానాలలో తేడాలేదని, ప్రజలు ప్రత్యామ్నాయం కోసం ఎదురు చూస్తున్నారని సీపీఎం పొలిట్ బ్యూరో సభ్యులు సీతారాం ఏచూరి అన్నారు. విశాఖపట్నంలో శుక్రవారం ఆయన మీడియాతో మాట్లాడారు. ప్రత్యామ్నాయ ఆర్ధిక విధానాలతో ఉద్యోగావకాశాలు పెరుగుతాయని, ఆర్ధిక వృద్ధి చేకూరుతుందని చెప్పారు. అటువంటి ప్రత్యామ్నాయ విధానాల కోసం సీపీఎం కృషిచేస్తుందని తెలిపారు. మనదేశాన్ని మతోన్మాద రాజకీయాల నుంచి కాపడడం తమ పార్టీలక్ష్యమని చెప్పారు. గుజరాత్ మోడల్ అభివృద్ధితో దేశం అధోగతి పాలవుతుందని అన్నారు. గాజువాఖలో సీపీఎం అభ్యర్ధి సి.హెచ్.నర్సింగరావును గెలిపించాలని కోరారు.

శేఖర్ కమ్ముల..'అనామిక': రివ్యూ

'ఆనంద్', 'హ్యాపీడేస్', 'లీడర్' వంటి చిత్రాలతో సూపర్ హిట్స్ అందుకున్నాడు దర్శకుడు శేఖర్ కమ్ముల. ఈ సినిమాలతో క్లాస్, యూత్ ఆడియెన్స్ కు బాగా దగ్గరయ్యాడు. శేఖర్ కమ్ముల అంటే ఒక జోన్ సినిమాలకే పరిమితం అనే కామెంట్ ఉంది. కానీ తొలిసారి 'అనామిక' తో ప్రయోగం చేశాడు. బాలీవుడ్ హిట్ మూవీ 'కహానీ'ని తెలుగులో రీమేక్ చేశాడు. సస్పెన్స్ థ్రిల్లర్ అయిన ఈ చిత్రాన్ని తెలుగులో 'అనామిక' పేరుతో తెరకెక్కించాడు. అయితే 'కహానీ'కి అచ్చు రీమేక్ లా కాకుండా కేవలం మూల కథను తీసుకొని దాదాపు 70శాతం మార్పులు చేసి రూపొందించిన 'అనామిక' ఈ గురువారం 'మేడే' సందర్భంగా మన ముందుకు వచ్చింది. అయితే ఈ బుధవారం రాత్రే ఓ ప్రముఖ టీవీ ఛానల్లో ఫస్ట్ రీల్ విడుదల చేసి సినిమాపై క్యూరియాసిటీ పెంచాడు శేఖర్. ఇప్పటికే వరుస హిట్లతో దూసుకుపోతున్న నయనతార ప్రధాన పాత్రలో నటించిన 'అనామిక' ప్రేక్షకులను ఆకట్టుకుందా.. ? శేఖర్ ప్రయోగం ఫలించిందా.. ? అనేది చూద్దాం..
కథ విషయానికి వస్తే..
   అనామిక (నయనతార) పది రోజులుగా కనిపించని తన భర్తని వెతుక్కుంటూ ఇండియాకి వస్తుంది. పాతబస్తీలో అతను బస చేసిన హోటల్‌లోనే దిగుతుంది. ఈ కేసు ఇన్వెస్టిగేషన్ చేసేందుకు ఎస్ఐ పార్థసారధి (వైభవ్) అనామికకు హెల్ప్ చేస్తుంటాడు. భర్త ఆచూకీ తెలుసుకునే ప్రయత్నంలో ఆమె చాలా ఇబ్బందులు పడుతుంది. అనామికతో కలిసి సారథి చేసే విచారణలో పలు ఆసక్తికరమైన విషయాలు తెలుస్తాయి. అయితే ఢిల్లీ నుంచి వచ్చిన క్రైమ్ బ్రాంచ్ ఆఫీసర్ ఖాన్ ( పశుపతి ) మాత్రం అతను అనామిక భర్త కాదని తీవ్రవాది 'మిలింద్ దామ్జీ' అని వాదిస్తుంటాడు. ఇంతకూ అజయ్ శాస్త్రి దొరికాడా..? ఈ మిలింద్ దామ్జీ ఎవరు..? మిలింద్ దామ్జీకి అజయ్ కు సంబంధమేంటి..? అనేది మిగిలిన కథ.
విశ్లేషణ:..
    బాలీవుడ్ లో విద్యాబాలన్ నటించిన 'కహానీ' నుంచి కేవలం మూల కథనే తీసుకున్న దర్శకుడు శేఖర్ కమ్ముల, యండమూరితో కలిసి 'అనామిక'ను సృష్టించాడు. 'కహానీ'కి రీమేక్ కాదు అనడంలో సందేహం లేదు. ఎందుకంటే విద్యాబాలన్ ప్రెగ్నెంట్ గా రావడం.. క్లైమాక్స్ లో ప్రెగ్నెంట్ కాదని రివీల్ అవ్వడమే కహానీ లో పెద్ద థ్రిల్. కానీ అటువంటి థ్రిల్ ని కాదని కొత్త కథను రాసుకోవడం కాస్త రిస్క్ అయినా శేఖర్ కొత్త దారిలో నడిచేందుకే ప్రయత్నించాడు. అందుకు ప్రతిఫలంగా 'అనామిక' రూపం మారింది. అయితే 'కహానీ' తో పోల్చితే.. అంతగా ఆకట్టుకోలేకపోయింది. సినిమా మొదలైన పదినిముషాలు ఆసక్తిగా సాగినా .. ఆ తర్వాత స్లోగా మారింది. కథలోకి తీసుకెళ్లడానికి చాలా టైమ్ పట్టింది. దీంతో ఫస్టాఫ్ లో ఆసక్తి తగ్గింది. సస్పెన్స్ థ్రిల్లర్ గా చెప్పుకునే ఈ మూవీలో థ్రిల్లింగ్ లేకపోవడమే ఆడియెన్స్ కు కాస్త బోర్ కొట్టించింది. ఇక సెకాండాఫ్ మాత్రం చాలా వేగంగా సాగుతుంది. ఇన్వెస్టిగేషన్ చేసే సన్నివేశాలు మూవీపై ఆసక్తిని పెంచాయి. అయితే ఈ చిత్రంలో చాలా లాజిక్ లు వదిలేశాడు శేఖర్. దర్శకునిగా అతని వైఫల్యం ఇది. 'అనామిక' భర్త ఉగ్రవాదని తనకు ఎప్పుడు తెలిసింది..? ఎలా తెలిసింది..? అనే చాలా ప్రశ్నలకు సమాధానం లేదు. అంతేకాదు.. 'అనామిక'తన భర్త విషయంలో.. సమాజం పట్ల ప్రేమా లేక తను మోసపోయాననే పగా.. ? అనామిక ఎందుకు ఇలా చేసిందనే దానిపై క్లారిటీ లేదు.
సినిమాకి నయనతారే పెద్ద అసెట్. గ్లామర్ గా కనిపిస్తూనే అవసరమైన చోట పవర్ పుల్ గా మారింది. తను ఏడుస్తూ.. ఆడియెన్స్ ను కూడా కాస్త ఏడిపిస్తూ.. పాత బస్తీలో తిరిగింది. ఇక మ్యూజిక్ విషయంలో కీరవాణి సక్సెస్ అయ్యాడనే చెప్పవచ్చు. రెండు పాటలే ఉన్నా.. ఎక్కువగా బ్యాక్ గ్రౌండ్ స్కోర్ తో ఆకట్టుకున్నాడు. సాధారణంగా కనిపించే సన్నివేశాలకు కీరవాణి బ్యాక్ గ్రౌండ్ స్కోర్ ప్రాణం పోసింది. తెర మీద హీరో నయనతార అయితే తెర వెనుక హీరో కీరవాణి అయ్యాడు. సస్పెన్స్ థ్రిల్లర్ అయిన 'అనామిక'లో ఫొటోగ్రఫీకి, కామెడీకి ఛాన్స్ లేదు. వైభవ్ పాత్ర తేలిపోయింది. పోలీస్ ఆఫీసర్ గా చాలా పేలవంగా కనిపించాడు. పశుపతి, హర్షవర్ధన్ రాణే ల నటన ఫర్వాలేదనిపించారు. క్లైమాక్స్ లో శేఖర్ ఇచ్చిన ట్విస్ట్ బాగుంది.
ప్లస్ పాయింట్స్: నయనతార, కీరవాణి మ్యూజిక్, సెకండ్ ఆఫ్.
మైనస్ పాయింట్స్: దర్శకత్వం, కథనం.

'రోజా', 'మనోహరం' లాంటి సినిమాలు గుర్తుకు వస్తున్నా 'అనామిక' క్లైమాక్స్ ట్విస్ట్.. 'కహానీ' చూడనివారికి నచ్చే అవకాశం ఉంది. ఇక ఈమూవీకి '10టివి' ఇచ్చే రేటింగ్-2/5.