టీఆర్‌ఎస్‌లో నూతనోత్సాహం..

TRS

హైదరాబాద్: ఉమ్మడి రాష్ట్రంలో చివరి ఎన్నికలు, కొత్త రాష్ట్రంలో మొదటి ఎన్నికల పోలింగ్ టీఆర్ఎస్ లో కొత్త ఉత్సాహాన్ని నింపింది. జరిగిన పోలింగ్ సరళి, పెరిగిన పోలింగ్ శాతం ఆ పార్టీ విశ్వాసాన్ని మరింత పెంచింది. అధికార పగ్గాలపై ఆశలను రెట్టింపు చేసింది.
కాంగ్రెస్ నేతల కుదేలు..
         కేసీఆర్ ఒంటరిగా పోటీ చేయడం ఆ పార్టీకి మైనస్ అని 40 సీట్లకు మించి రావనే చర్చ ఎన్నికల ప్రారంభంలో జరిగింది. కానీ రాజకీయ మాంత్రికుడిగా పేరున్న కేసీఆర్ తన వ్యుహాలకు పదును పెట్టడం ఆ పార్టీకి ప్లస్ అయ్యింది. కాంగ్రెస్ నేతలపై వ్యక్తిగత దూషణలకు దిగడంతో పాటు కేసీఆర్ కౌంటర్ ఎటాక్ కు పొన్నాల, దామోదర లాంటి నేతలు మాట్లాడినా దిగదుడుపే అయ్యింది. చివరకి టీఆర్ఎస్ నుంచి కొందరు నేతలనూ చేర్చుకొని వారితో కేసీఆర్ ను తిట్టించినా కేసీఆర్ మాటల యుద్ధం ముందు కాంగ్రెస్ నేతలు బావురమన్నారు. వీటికి తోడు మూడో ఫ్రంట్ కు అనుకూలమని, మోడీ దుష్మన్ అంటూ చేసిన ప్రకటనలు, మైనార్టీల అండ తమ పార్టీకి పెరిగేందుకు తోడ్పడ్డాయనే భావన గులాబీ శ్రేణుల్లో కనిపిస్తోంది.
కలిసొచ్చిన పవన్‌ వ్యాఖ్యలు..!
            గతం వారం రోజులుగా తెరపైకి తెచ్చిన మోడీ యూటీ ప్రకటన కేసీఆర్ కు యూత్ లో మరింత క్రేజ్ తెచ్చిపెట్టిందని విశ్లేషకులంటున్నారు.ఇక్కడ ఎన్నికలు ముగిసిన తర్వాత మోడీ హైదరాబాద్ ను యూటీ చేస్తానంటూ చంద్రబాబు ప్రకటన చేయిపిస్తారంటూ కేసీఆర్‌ చేసిన వ్యాఖ్య యూత్ లో టీఆర్ఎస్ కు మరింత ఓట్లు తెచ్చిపెట్టాలా చేసి ఉండవచ్చనే అనే అభిప్రాయాన్ని కొందరు వ్యక్తం చేస్తున్నారు. అలాగే పవన్ కల్యాణ్ ను కేసీఆర్ మీదకు బిజెపి, టీడీపీ నేతలు వదిలారు. కానీ పవన్ వ్యాఖ్యలు కేసీఆర్ కు మరింతగా ప్లస్ అయ్యాయని విశ్లేషకులంటున్నారు. మొత్తానికి పెరిగిన ఓటింగ్ శాతం యూత్ ఓటింగ్ లో పాల్గొన్నారనే సంకేతం పంపుతోంది. ఇది టీఆర్ఎస్ ఓటే కావొచ్చనే అనే చర్చ జరుగుతోంది.
టీఆర్‌ఎస్‌లో పెరిగిన ఆశలు..
       టీఆర్ఎస్ బలంగా ఉన్న ఉత్తర తెలంగాణతో పాటు దక్షిణ తెలంగాణలోనూ ఓటింగ్ శాతం పెరగడం పార్టీలో ఆశలు మరింత పెంచుతోంది. మొత్తానికి గులాబీ దళానికే అత్యధిక సీట్లు వస్తాయనే చర్చ అటు రాజకీయ వర్గాల్లోనూ, ఇటు ప్రజల్లోనూ జరుగుతోంది. అయితే ఈవిఎంలో నిక్షిప్తమైన నేతల, పార్టీల తలరాత తెలుసుకోవాలంటే మరో పదిహేను రోజులు ఆగాల్సిందే.

మోడీపై కేసు నమోదుకు ఈసీ ఆదేశాలు..

అహ్మదాబాద్ : గుజరాత్ ముఖ్యమంత్రి నరేంద్ర మోడీపై కేసు నమోదుకు కేంద్ర ఎన్నికల సంఘం ఆదేశాలు జారీ చేసింది. అహ్మదాబాద్ లో ఓటు వేసిన మోడీ..ఎన్నికల గుర్తు కమలం ప్రదర్శించారు. ఎన్నికల కోడ్ ప్రకారం పోలింగ్ బూత్ కు వంద మీటర్ల లోపు ఎలాంటి ప్రచారం నిర్వహించకూడదు. ఎన్నికల గుర్తు చూపడంతో పాటు ప్రసంగించడం కోడ్ ఉల్లంఘన కిందకు వస్తుందని ఈసీ పేర్కొంది.

తెలంగాణ భవిష్యత్ నిర్ణయించే ఎన్నికలు- రాఘవులు

bv raghavulu

హైదరాబాద్: తెలంగాణ భవిష్యత్ ను నిర్ణయించే ఎన్నికలలో ఓటర్లు ఉత్సాహంగా పాల్గొనడం సంతోషదాయకమని సీపీఎం పొలిట్ బ్యూరో సభ్యులు బి.వి.రాఘవులు అన్నారు. హైదరాబాద్ లో ఓటు హక్కు వినియోగించుక్ను ఆయన మీడియాతో మాట్లాడారు. ఓటర్లు తమ ఓటు హక్కుని వినియోగించుకోని తమ భవిష్యత్తును తామే నిర్ణయించుకోవాలని సూచించారు.

జేపీ మావాడే : మోడీ.. నా మద్దతు మోడీకే : జేపీ

Jayaprakash Narayan and Modi 

సరిగ్గా పదిరోజుల క్రితం లోక్ సత్తా పార్టీ ఢిల్లీ అధ్యక్షుడు అనురాగ్ కేజ్రీవాల్ వీడియో ఒకటి మీడియాలో హల్ చల్ చేసింది. కొందరు కార్పొరేట్ ప్రతినిధులతో 35 కోట్ల రూపాయల డీల్ మాట్లాడుతున్న కేజ్రీవాల్.. ఓ జాతీయ ఛానెల్ చేసిన 'స్టింగ్ ఆపరేషన్' లో అడ్డంగా దొరికిపోయారు. దీంతో ఆ పార్టీ జాతీయ అధ్యక్షుడు జయప్రకాష్ నారాయణ తప్పనిసరి పరిస్థితుల్లో.. కేజ్రీవాల్ ను పార్టీ నుండి సస్పెండ్ చేశారు. అయితే.. తమ పార్టీ నిజస్వరూపాన్ని బయటపెట్టిన మీడియాపై జేపీ తీవ్ర స్థాయిలో విరుచుకుపడ్డారు. అనురాగ్ కేజ్రీవాల్ వ్యాఖ్యలను కొన్ని ఛానెల్స్ దుష్ప్రచారం చేస్తున్నాయని మండిపడ్డారు. మీడియాలోని ఒక వర్గం తమ పార్టీ ప్రతిష్టను దెబ్బతీసేందుకు కుట్ర పన్నిందని ఆరోపించారు.
జేపీ తనమనిషన్న మోడీ.. మోడీకే మద్దతన్న జేపీ..
 సీన్ కట్ చేస్తే.. స్టింగ్ ఆపరేషన్ లో అనురాగ్ కేజ్రీవాల్ మాట్లాడిన ప్రతి మాటా నిజమేనని ప్రస్తుతం జరుగుతున్న పరిణామాలను చూస్తుంటే.. అర్థమవుతోందని రాజకీయ విశ్లేషకులు భావిస్తున్నారు. ఇందుకు మోడీ, జేపీ తాజా వ్యాఖ్యలే నిదర్శనంగా చూపుతున్నారు. 'మీరు నా మనిషి. మీ అవసరం దేశానికి చాలా ఉంది. దేశంలో సంస్కరణలను అమలు చేయాలంటే మీలాంటి వారు లోక్ సభలో ఉండాలి'. అని.. లోక్ సత్తా జాతీయ అధ్యక్షుడు జయప్రకాశ్ నారాయణను ఉద్దేశించి.. బిజెపి ప్రధాని అభ్యర్థి నరేంద్ర మోడీ వ్యాఖ్యానించారు. మరోవైపు జేపీ కూడా.. మోడీకే తన పూర్తి మద్దతు అని, భావి ప్రధాని మోడీనే అని చెబుతున్నారు. దేశాన్ని ప్రగతిపథంలో నడిపే సత్తా బిజెపి ప్రధాని అభ్యర్థి నరేంద్ర మోడీకి మాత్రమే ఉందని పొగిడేశారు.
అంటే.. అనురాగ్ మాటలన్నీ వాస్తవమేనా..?
 కేంద్రంలో బీజేపీ ప్రభుత్వం ఏర్పాటైతే అందులో జేపీ మంత్రి పదవి దక్కించుకోవడం ఖాయమని, ఆయన శాఖలో మీకు ఏ పని కావాలన్నా చేసి పెడతామని, దానికోసం ప్రస్తుతం ఎన్నికల ఖర్చు కింద రూ.35 కోట్లు ఇవ్వాలని కార్పొరేట్ ప్రతినిధులతో డీల్ సందర్భంగా అనురాగ్ కేజ్రీవాల్ మాట్లాడిన ప్రతిమాటా నిజమేననే ఊహాగానాలకు ప్రస్తుత పరిస్థితులు బలం చేకూరుస్తున్నాయి. జేపీ, మోడీ ఒకరినొకరు పొగుడుకోవడం ఇందులో భాగమేనని పలువురు పేర్కొంటున్నారు.
ఇంతకీ.. సంస్కరణలు ఎవరికోసం..?
 నరేంద్ర మోడీ మాటల్లో దేశంలో విస్తృతమైన సంస్కరణలు రావాలని.. వాటిని అమలు చేయాలంటే జేపీ లాంటి వారు లోక్ సభలో ఉండాలని స్పష్టంగా పేర్కొన్నారు. ఇంతకీ ఈ సంస్కరణలు ఎవరి కోసం..? ప్రజల, ప్రభుత్వ ఆస్తులు దోచుకుని వేల కోట్ల రూపాయల లాభాలు వెనకేసుకునే కార్పొరేట్ల కోసమా..?? లేక సాధారణ ప్రజానీకం కోసమా..!? దేశంలో ప్రస్తుతం అమలవుతున్న ఆర్థిక సంస్కరణల కారణంగా ధనవంతులు రోజురోజుకూ ఆస్తులు కూటగట్టుకుంటుంటే.. పేదలు మరింత పేదలుగా దిగజారిపోతున్నారు. ఇప్పుడు జేపీ లోక్ సభలో పాగావేసి ఇవే సంస్కరణలను మరింత పటిష్టంగా అమలు చేయాలని మోడీ కోరుతున్నారు. దీనికి జేపీ కూడా తన అంగీకారం తెలుపుతున్నారు. ఈ నేపథ్యంలో.. జయప్రకాష్ నారాయణ చెప్పే నీతి వాక్యాలన్నీ ప్రజలను, యువతను బుట్టలో వేసుకోవడానికే తప్ప, ఆయన మాటల్లో నిజాయితీ లేదనేది స్పష్టమవుతోందని చెబుతున్నారు.

ఫేస్ బుక్ 'లైవ్ చాట్' కు డుమ్మా కొట్టిన మోడీ..! (కారణం అదేనట..!?)

సోషల్ మీడియాను పెద్ద మొత్తంలో వినియోగిస్తున్న రాజకీయ నేతల్లో నరేంద్ర మోడీ ముందుంటారని ఓ ప్రచారం.. ఈ పనికోసం ఆయన వద్ద పెద్ద సంఖ్యలో ఐటీ నిపుణులు సైతం పనిచేస్తుంటారని మరో సమాచారం.. మరి.. ఈ విషయాలు తెలుసుకున్నారో..? ఏమో..? తెలియదుగానీ.., భారత్ లో సార్వత్రిక ఎన్నికల దృష్ట్యా 'ఫేస్ బుక్' సంస్థవారు ప్రారంభించిన ''లైవ్ చాట్'' కార్యక్రమాన్ని మోడీతో ప్రారంభించాలని నిర్ణయించారు. ఇందుకు ముహూర్తం 'మార్చి 3'గా నిర్ణయించారు. ఈ విషయాన్ని మూడు నెలలు ముందుగానే మోడీకి తెలియజేశారు. దీనికి 'తప్పకుండా వస్తా..' అని మోడీ హామీ ఇచ్చారు. మార్చి మూడో తారీఖు రానే వచ్చింది. అన్ని ఏర్పాట్లూ జరిగిపోయాయి. ఇక లైవ్ చాట్ ప్రారంభం కాబోతోందని భావిస్తున్న తరుణంలో 'ఫేస్ బుక్' సంస్థకు ఓ బ్యాడ్ న్యూస్ అందింది. ''లైవ్ చాట్ కార్యక్రమానికి మోడీ రావట్లేదు..'' అని దాని సారాంశం. దీంతో.. ఏం చేయాలో అర్థంకాని నిర్వాహకులు ''ప్రోగ్రాం క్యాన్సిల్ అయ్యింది.. దీనికి ఎంతగానో చింతిస్తున్నాం..'' అంటూ మోడీ కోసం ప్రశ్నలు పంపిన వారికి మెసేజ్ చేశారు. అయితే.. ఇదంతా మొన్న జరిగిపోయిన, అందరికీ తెలిసిన విషయం. కానీ.. ఇందుకు గల కారణాలు ఏంటనేది చాలా మందికి తెలియని అంశం..!
అదేమంటే..?
     ఫేస్ బుక్ 'లైవ్ చాట్'లో పాల్గొంటానని రెండు నెలల ముందే మోడీ నిర్వాహకులకు అపాయింట్ మెంట్ ఇచ్చారు. ఆఖరి నిమిషంలో మాత్రం మొహం చాటేశారు. దీనికి ప్రధాన కారణం ఏమంటే.. ఇప్పటి వరకూ 'లైవ్' లో ప్రజలు అడిగే ప్రశ్నలకు మోడీ నేరుగా సమాధానం ఇవ్వలేదు. నిజానికి మోడీ తన ప్రచారానికి సంబంధించిన ప్రతీ విషయంలోనూ.. కొన్ని కార్పొరేట్ సంస్థల నిర్ణయాన్ని శిరసావహిస్తారని ప్రచారం సాగుతోంది. ఎప్పుడు, ఎక్కడ సభలు పెట్టాలో..? ఆ సభల్లో ఏం మాట్లాడాలో..?? మొత్తం స్క్రిప్టు తయారు చేసేందుకు పలు సంస్థలు సిద్ధంగా ఉంటాయట! ఆ స్క్రిప్టు ప్రకారమే మోడీ మాట్లాడుతారట!! అలాంటి మోడీ.. ఫేస్ బుక్ లైవ్ చాట్ లో పాల్గొంటే.. ప్రజలు అడిగే ఎలాంటి ప్రశ్నలకైనా మోడీ సమాధానం చెప్పాల్సి ఉంటుంది. అది గుజరాత్ అభివృద్ధి కావొచ్చు, బిజెపి ఆర్థిక విధానాలు కావొచ్చు లేదా మతకలహాలకు సంబంధించినవి కావొచ్చు. ఇలా.. నేరుగా ప్రజలు సంధించే బాణాల్లాంటి ప్రశ్నలకు సమాధానం చెప్పడానికి మోడీ భయపడ్డారని, అందుకే.. 'లైవ్ చాట్' కు దూరమయ్యారని ప్రచారం సాగుతోంది.
సిద్ధంగా వేలాది ప్రశ్నలు.. ముందుగానే చెప్పాలన్న మోడీ..!
     ఫేస్ బుక్ 'లైవ్ చాట్' లో మోడీ పాల్గొంటున్నారనే ప్రచారం మొదలైన నాటి నుండి మార్చి 3 వరకు కొన్ని వేల ప్రశ్నలు ఫేస్ బుక్ నిర్వాహకులకు అందాయి. వీటిలో కొన్ని ప్రశ్నలను ఎంచుకుని ఈ కార్యక్రమం నిర్వహిస్తున్నవారు మోడీని అడగాల్సి ఉంది. అయితే.. తనను ఏ ప్రశ్నలు అడుగుతారో రెండు రోజుల ముందే తనకు చెప్పాలని మోడీ.. కార్యక్రమ నిర్వాహకులకు షరతుపెట్టారట. రెండు రోజుల ముందు ప్రశ్నలు చెబితే.. వాటి సమాధానాలు ముందే సిద్ధం చేసుకోవచ్చని మోడీ భావించారు(?) దీనికి నిర్వాహకులు ఒప్పుకోలేదు. 'లైవ్ చాట్' కాబట్టి ఆ విధంగానే వ్యవహరించాలని వారు మోడీకి సూచించారట. దీంతో.. తాను అసలు కార్యక్రమానికి రానుపోండి.. అంటూ మోడీ డుమ్మా కొట్టాడని టాక్.
   దీనికి బిజెపి మాత్రం సరికొత్త కలరింగ్ ఇస్తోంది. మోడీ హాజరవుతున్న ఈ కార్యక్రమానికి కేజ్రీవాల్, లాలూ లాంటి తక్కువ స్థాయివారిని పిలిచారని, అందుకే ఆయన వెళ్లలేదని ప్రచారం మొదలు పెట్టారు.

see more at : www.10tv.in